藝人胡杏兒因為要返內地工作幾個月，為怕太掛住兩個仔，決定帶埋一歲細仔李奕霖（Ryan）同行，至於大仔李奕霆（Brendan），就交由老公李乘德同其他家人照顧。今個月是大仔Brendan三歲生日，一家人分隔兩地，杏兒只能Facetime隔空跟囝囝慶祝生日。
【演員請就位2】胡杏兒拍劇踩廿幾個鐘被封鐵人 大爆TVB內幕當選視后擁特權 詳情即睇：【下一頁】
（圖片：胡杏兒IG）
今年中秋要靠P圖先可以一家團圓（圖片：胡杏兒IG）
老公李乘德相當有心思，準備嘅蛋糕及禮物，全都係囝囝鍾意嘅超級英雄人物，而Brendan見到生日派對都好開心，更作狀深情咁托腮望住蛋糕，真係超可愛！杏兒雖然冇得親自為囝囝慶祝，但都有視象通話參與其中，而老公仲要好搞笑咁舉高個電話影相，等杏兒個靚樣可以一齊上鏡。
杏兒Facetime同囝囝慶祝生日（圖片：李乘德IG）
李乘德寫道：「生日快樂，我的男孩。您從2歲時喜歡Baby Shark，到3歲時喜歡超級英雄，過渡確實已經完成。請保持健康、友善、慷慨、真誠和快樂，並為Ryan Jai樹立好榜樣。」而媽咪杏兒就留言希望Brendan繼續成為一個快樂而健康嘅男孩：「3歲生日快樂，我親愛的兒子。很高興看到你長大，成為一個有趣，善良，慷慨的小男孩。 」
Brendan好可愛！（圖片：李乘德IG）
（圖片：李乘德IG）
杏兒唔係香港，李乘德就母兼父職照顧Brendan，李乘德係客家人，平日會教小朋友講客家話。日前佢就上載咗段片段到IG，片中Brendan著住蜘蛛俠衫及帽仔，邊玩手指。李乘德以客家話問Brendan問題，例如：「你叫咩名？細佬叫咩名？媽媽叫咩名?你幾多歲？」然後教囝囝用客家話講：「我係客家人」。全片最搞笑係Brendan唔小心講錯媽咪名做：「肥杏兒」，仲要得得戚戚，真係好可愛！
Brendan唔小心叫媽咪做「肥杏兒」（圖片：李乘德IG）
為怕老婆嬲豬，李乘德即時留言叫老婆唔使擔心，會好好訓練囝囝發音，杏兒返到香港Brendan發音肯定完美咁話。而杏兒就扮嬲用客家話英文拼音留言覆返老公：「我係胡杏兒，唔係肥杏兒，有冇搞錯。」
杏兒回覆返老公（圖片：李乘德IG）
Brendan客家話講得頭頭是道，真係盡得杏兒語言天份，事關佢日前上內地綜藝節目《演員請就位》，內地網友都大讚佢講普通話好標淮，冇乜港式口音！除此之外，佢於節目表現亦備受肯定，好似其中一集素顏演出趙薇當年獲多個獎項的作品《親愛的》，杏兒飾演村姑李紅琴，由上妝到演出都入型入格，加埋安徽話講得又流暢自然，難怪節目評判陳凱歌、趙薇、爾冬陞都大讃杏兒做得好，讚佢演技達S級最高級數！
杏兒近日參加內地綜藝節目《演員請就位》（圖片：影片截圖）
（圖片：影片截圖）
撰文：羅慧怡
責任編輯：楊安莉